ನಮಸ್ಕಾರ,
ನಮ್ಮ ಕನ್ನಡ ಗ್ಲೋಬಲ್ ನ್ಯೂಸ್ ಕುಟುಂಬದ ಪ್ರತಿಯೊಬ್ಬ ಓದುಗರಿಗೂ ನಾವು ಸದಾ ಋಣಿ. ಇತ್ತೀಚೆಗೆ ವೈರಲ್ ಆದ ನಟಿ ಸಮಂತಾ ಅವರ ವಿಡಿಯೋ ವಿಚಾರದಲ್ಲಿ, ಅಂದು ಲಭ್ಯವಿದ್ದ ಮಾಹಿತಿ ಮತ್ತು ವಿಡಿಯೋದಲ್ಲಿನ ಲೋಗೋ ಆಧಾರದ ಮೇಲೆ ನಾವು ಸತ್ಯವನ್ನು ಹುಡುಕುವ ಪ್ರಯತ್ನ ಮಾಡಿದ್ದೆವು.
ಈ ವಿಷಯದಲ್ಲಿ ನಾವು ಹೇಳಬಯಸುವುದಿಷ್ಟು:
- ತಂತ್ರಜ್ಞಾನದ ಇಂದಿನ ದಿನಗಳಲ್ಲಿ ಸತ್ಯ ಮತ್ತು ಸೃಷ್ಟಿತ ದೃಶ್ಯಗಳ ನಡುವಿನ ಗೆರೆ ತುಂಬಾ ತೆಳುವಾಗಿದೆ. ಹಾಗಾಗಿ, ಯಾವುದೇ ತಪ್ಪು ಮಾಹಿತಿ ಹರಡಬಾರದೆಂಬ ಕಾಳಜಿಯಿಂದ ನಾವು ಆ ವಿಶ್ಲೇಷಣೆಯನ್ನು ನೀಡಿದ್ದೆವು.
- ಇದೀಗ ನಟಿ ಸಮಂತಾ ಅವರು ಸ್ವತಃ ಶಿವಮೊಗ್ಗದ ಲೊಕೇಶನ್ ಹಂಚಿಕೊಂಡಿರುವುದು ನಮ್ಮ ಮಲೆನಾಡಿನ ಪಾಲಿಗೆ ಹೆಮ್ಮೆಯ ವಿಷಯ. ಅವರ ಆಗಮನ ಇಲ್ಲಿನ ಜನರ ಸಂಭ್ರಮವನ್ನು ಹೆಚ್ಚಿಸಿದೆ.
ಒಂದು ಮಾತು:
ಪತ್ರಿಕೋದ್ಯಮದ ಹಾದಿಯಲ್ಲಿ ಸಾಗುವಾಗ, ನಿಮ್ಮಂತಹ ಪ್ರೀತಿಯ ಓದುಗರ ನಂಬಿಕೆಯೇ ನಮಗೆ ಶಕ್ತಿ. ನಮ್ಮ ಮೊದಲ ವರದಿಯಿಂದ ನಿಮಗೆ ಸಣ್ಣ ಗೊಂದಲ ಉಂಟಾಗಿದ್ದರೆ, ಅದನ್ನು ನಿಮ್ಮ ಮನೆಯ ಮಗನಿಂದಾದ ಒಂದು ಸಣ್ಣ ತಪ್ಪು ಎಂದು ಭಾವಿಸಿ ದಯವಿಟ್ಟು ಕ್ಷಮಿಸಿ. ನಿಮ್ಮ ಪ್ರೀತಿ, ಬೆಂಬಲ ಮತ್ತು ಸಲಹೆಗಳು ನಮ್ಮ ಸಂಸ್ಥೆಯನ್ನು ದಿನದಿಂದ ದಿನಕ್ಕೆ ಇನ್ನಷ್ಟು ಎತ್ತರಕ್ಕೆ ಕೊಂಡೊಯ್ಯಲಿವೆ.
ನಿಮ್ಮ ನಂಬಿಕೆಗೆ ನಾವು ಯಾವಾಗಲೂ ಅಂಜಿಯೂ, ಅಳುಕಿಯೂ ನಡೆಯುತ್ತೇವೆ. ಮುಂದೆಯೂ ಹೀಗೆಯೇ ನಮ್ಮ ಜೊತೆಗಿದ್ದು ಹರಿಸಿ.
ಸದಾ ನಿಮ್ಮ ಸೇವೆಯಲ್ಲಿ,
ಕನ್ನಡ ಗ್ಲೋಬಲ್ ನ್ಯೂಸ್ ತಂಡ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ